Sekretari i Përgjithshëm i Partisë Lirisë, Tedi Blushi përmes një postimi në rrjetet sociale shkruan për prezantimin e Petro Gjikurisë si kandidat për bashkinë e Himarës.
Blushi shkruan se tashmë Himara e ka zgjedhur kryetarin e ri të Bashkisë dhe ai është Petro Gjikuria.
Teksa shkruan se Rama nuk duhet të guxojë të prekë votat në Himarë.
Postimi i plotë:
Himara është e himariotëve dhe vetëm ata mund të vendosin për fatet dhe të ardhmen e tyre!
Himara e ka zgjedhur Kryetarin e ri të Bashkisë dhe ai është djali i kësaj toke, Petro Gjikuria!
Ky është vullneti i himariotëve, zëri i të cilëve gjëmoi sot aq fort!
Edi Rama të mos guxojë të prekë një votë në Himarë, se duart do t’i mbeten në kutitë e votimit!
Me drejtësinë e kapur për fyti dhe veglën e tij qorre, SPAK, Edi Rama rrëmbeu dhe burgosi politikisht, Kryetarin e zgjedhur të Bashkisë, Fredi Beleri, por ta harrojë se mund të rrëmbejë të gjithë Himarën, t’u rrëmbejë pronat, shtëpitë, ujin, detin, liritë, të drejtat dhe dinjitetin himariotëve!
Himara është toka e kapedanëve të bregut, që kanë hedhur në det çdo pushtues dhe këtë fund do të ketë edhe Edi Rama, që është sjellë me himariotët më keq se çdo pushtues!
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
