Prej vitit 2022 në Kuvend është propozuar një projektligj për krijimin e Urdhrit të Inxhinierëve. Kjo nismë ligjore nisi të diskutohet që në 2019-ën, ndërsa të përfshirë në projektligj ishin edhe arkitektët, të cilët u shkëputën më pas.

Në lidhje me këtë fakt, drejtoresha e Urdhrit të Inxhinierëve të Shqipërisë Dëshira Mena, e ftuar në rubrikën Opinion në News 24 deklaroi se nëse miratohet urdhri i inxhinierit, shkatërrohen profesionistët e kësaj fushe. Ajo theksoi se projekt-ligji për urdhrin e inxhinierëve nuk duhet asesi të miratohet, sepse nuk mbron profesionistët e fushës.

[embedded content]

“Nëse miratohet urdhri i inxhinierit, shkatërrohen profesionistët e kësaj fushe. Ne si inxhinier nuk mund të anashkalohemi, sepse ne jemi grupi i vërtetë i interesit. Projekt-ligji për inxhinierët nuk duhet të miratohet.

Është thënë në Komisionet Parlamentare se po mbrojnë interesat e shoqatave, kur në fakt një shoqatë e krijojnë edhe 3 inxhinierë prsh, ata nuk janë përfaqësues i vërtetë i profesionit”, deklaroi Mena.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co