![Protesta e banorëve në aksin Librazhd-Elbasan, policia procedon 5 persona: Organizuan një manifestim të paligjshëm 2 protesta e banoreve ne aksin librazhd elbasan policia procedon 5 persona organizuan nje manifestim te paligjshem](https://botasot.co/wp-content/uploads/2024/08/protesta-e-banoreve-ne-aksin-librazhd-elbasan-policia-procedon-5-persona-organizuan-nje-manifestim-te-paligjshem.jpg)
Tensione ka pasur në protestën e organizuar ditën e djeshme nga banorët e fshatrave të njësisë administrative Polis.
Protestuesit kanë bllokuar qarkullimin në aksin rrugor Librazhd-Elbasan, ndërkohë që policia ka shoqëruar disa prej tyre në komisariat. Shkak i protestës ka qenë bllokimi i rrugës hyrëse dytësorë në fshatin Mirakë.
Policia njofton se në lidhje me ngjarjen e djeshme, janë proceduar pesë persona për veprën penale “Organizimi dhe pjesëmarrja në grumbullime e manifestime të Paligjshme”.
“Komisariati i Policisë Librazhd referoi materialet në Prokurori ku nisi procedimi penal për shtetasit: A. M., 38 vjeç, S. T., 21 vjeç, E. M., 23 vjeç, E. A., 28 vjeç dhe B. Rr., 36 vjeç, për veprën penale “Organizimi dhe pjesëmarrja në grumbullime e manifestime të Paligjshme”, pasi ditën e djeshme, në fshatin Mirakë, kanë organizuar një manifestim të paligjshëm, me pretendimin se rruga që po bëhet nuk ka hyrje në fshat”, thuhet në njoftim.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co