Kaos në Nairobi! Protestuesit i kanë vënë flakën parlamentit pas miratimit të një një projektligji të diskutueshëm tatimor. Por, ky veprim ka sjellë pasoja në njerëz, ku policia ka qëlluar për vdekje disa demonstrues.
Trupat e pesë protestuesve u panë jashtë ndërtesës së parlamentit në kryeqytetin kenian, sipas agjencisë së lajmeve Reuters, pasi policia qëlloi me armë zjarri ndërsa kompleksi u sulmua nga demonstruesit pas miratimit të projektligjit.
Mijëra njerëz protestuan sot, teksa kërkuan që politikanët të votojnë kundër taksave të reja të propozuara në projektligjin e diskutueshëm të financave.
Por pasi u miratua, Reuters raporton se kompleksi i parlamentit u depërtua nga qytetarët, të cilët i vunë flakën.
Kenya parliament. Too bad. pic.twitter.com/CEO32cH8C1
— Hussein Nirgadid (@HNirgadid) June 25, 2024
Një ndihmës mjek tha për Reuters se të paktën 50 persona u plagosën gjithashtu nga të shtënat me armë gjatë protestave.
Projektligji do të prezantojë taksa të reja, duke përfshirë një taksë ekologjike që do të rriste çmimin e mallrave si produktet e periodave dhe pelenat.
Një propozim për taksimin e bukës u hoq pas protestave publike.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
