Sot në Gjykatën e Tiranës, u paraqit mjeku onkolog, Edmond Gashi. Kur hyri në gjykatë, ai nuk foli shumë për mediat.
Kur foli, pas seancës gjyqësore, ku iu konfirmua edhe masa e sigurisë “arrest shtëpie”, mjeku që akuzohet se nuk iu shërbente pacientëve të sëmurë me tumor, por i çonte në klinikën e tij private “Megis”, duket se nuk ishte aq i qetë.
Mjeku Gashi ka dalë nga ana e pasme e gjykatës, mirëpo as kjo ‘lëvizje’ e tij nuk iu ka shpëtuar medieve. Edmond Gashi duket teksa vrapon, pasi ka dalë nga dera e pasme e gjykatës. Më herët, Gashi është parë në hollin e gjykatës. Në momentin që dikush hap derën, ai përfiton nga diçka e tillë dhe largohet me vrap.
[embedded content]
Sipas ligjit, mjeku Edmond Gashi duhej të shoqërohej nga një polic për në banesën e tij, ku më pas do të vuajë dënimin e dhënë nga gjykata, atë të “arrestit të shtëpisë”. Mjeku Gashi akuzohet për shpërdorim detyre. Ai del në përgjime, duke thënë fjalë aspak etike e të përshtatshme për pacientët e sëmurë.
Në lidhje me “arratisjen” e mjekut Edmond Gashi, reagoi sot edhe Gjykata e Tiranës. Sipas reagimit të Gjykatës, Edmond Gashi ka dalë nga hyrja e autorizuar për gjyqtarët, duke përfituar nga hapja e derës në mënyrë rastësore nga një punonjës i gjykatës. Edhe gjykata tha se Gashi është larguar i pashoqëruar nga policë, pasi këta të fundit duhet ta shoqëronin atë në banesë.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
