Teksa ndodhet për një vizitë zyrtare në Korenë e Veriut, presidenti rus, Vladimir Putin nuk i ka kursyer komentet për SHBA-të.

Ai u mirëprit nga udhëheqësi i Koresë së Veriut, Kim Jong Un pas mbërritjes së tij në aeroport. Putin tha se SHBA “po bën gjithçka për të imponuar” një rend të bazuar në rregulla në nivel global, “i cili në thelb nuk është asgjë më shumë se një diktaturë globale neokoloniale e bazuar në standarde të dyfishta”. “Kombet që nuk pajtohen me këtë qasje dhe ndjekin një politikë të pavarur përballen me presion të jashtëm në rritje. Udhëheqja amerikane e konsideron këtë aspiratë të natyrshme dhe legjitime për vetë-mjaftueshmëri dhe pavarësi si një kërcënim për dominimin e saj global”, tha ai.

Moska e ka bërë të ditur tashmë se do të mbështesë “pa vonesë” Korenë e Veriut në të ardhmen. Në një artikull të shkruar për gazetën koreano-veriore Rodong Sinmun, Putin e përcaktoi Korenë e Veriut si një aleat të fortë në luftën kundër hegjemonisë perëndimore. “Pheniani ka qenë gjithmonë mbështetësi ynë i përkushtuar dhe mbështetës, i gatshëm të përballet me ambiciozët e Perëndimit për të parandaluar shfaqja e një rendi botëror shumëpolar të bazuar në drejtësi, respekt të ndërsjellë për sovranitetin dhe konsideratë të interesave të ndërsjella”.
(BalkanWeb)

Burimi informacionit @BalkanWeb: Lexo me shume ne : Bota Sot News botasot.co