“Qeveria në Kiev, kërcënim për popullin ukrainas”, ish-Presidenti rus: Ukraina është pjesë e Rusisë!

Ukraina është në sferën e interesave strategjike ruse dhe nuk ka të ardhme në asnjë kapacitet tjetër, ka deklaruar Dmitry Medvedev, nënkryetar i Këshillit të Sigurimit të Rusisë dhe ish-President i vendit.

Ppulli rus e konsideron Ukrainën si pjesë të qytetërimit më të madh rus, tha zyrtari i lartë në një fjalim në një konferencë në Soçi të hënën.

“Territoret në të dy brigjet e lumit Dnieper janë një pjesë e patjetërsueshme e kufijve strategjikë historikë rusë,” tha ai, duke përdorur termin “sfera e ndikimit”. “Të gjitha përpjekjet për t’i ndryshuar ato me forcë, për të prerë trupin e tij të gjallë, janë të dënuara”.

Ai vuri në dukje titullin e një libri nga Leonid Kuchma, presidenti i dytë i Ukrainës pas pavarësisë së saj nga BRSS, i cili deklaroi: “Ukraina nuk është Rusi”.

“Ky koncept duhet të zhduket përgjithmonë. Ukraina është pa dyshim Rusi”, tha Medvedev.

Ai kritikoi qeverinë aktuale në Kiev si “kërcënimin kryesor” për popullin ukrainas, duke marrë parasysh politikat e saj anti-ruse. Ukrainasit “kanë rënë në një kurth” të vendosur për të nga SHBA dhe aleatët e saj, të cilët e kanë kthyer me sukses kombin në një armë kundër Rusisë, tha ai.

Burimi informacionit @BalkanWeb: Lexo me shume ne : Bota Sot News botasot.co