![“Qeveritarët nuk do i shpëtojnë revoltës së popullit”, Balliu: Politika e pushtetarëve tanë është vjedhja 2 qeveritaret nuk do i shpetojne revoltes se popullit balliu politika e pushtetareve tane eshte vjedhja](https://botasot.co/wp-content/uploads/2024/07/qeveritaret-nuk-do-i-shpetojne-revoltes-se-popullit-balliu-politika-e-pushtetareve-tane-eshte-vjedhja.jpg)
Klevis Balliu, koordinator i PD-së për Rajonin e Tiranës, në fjalën e tij përpara Bashkisë së kryeqytetit tha se qeveritarët nuk do i shpëtojnë dot revoltës popullore.
Balliu theksoi se politika e pushtetarëve në Shqipëri është sesi të vjedhin, ndërsa tha se drejtësia e re nuk është e pavarur.
Klevis Balliu: Kjo që na servirin këta si drejtësi të pavarur, në fakt nuk është e tillë. SPAK nuk është i pavarur, është bashkë me këta hajdutë. Ata janë bashkë. E patë kreun e SPAK Altin Dumani në parlament që qeshte dhe përqafonte anëtarët e maxhorancës. Dalin dhe lavdërohen se kanë arrestuar disa ushtarë. Thonë se arrestuan ish-ministër dhe ish-deputet.
Po edhe Enver Hoxha arrestonte njerëz, por nuk ishte drejtësi, por ishte drejtësi për pushtetin. Njësoj po veprohet edhe sot. SPAK po lejon vjedhjen e inceneratorëve, po lejon vjedhjet masive e nuk prek hajdutët. Nuk prek këta hajdutë, me në krye kryetarin e Bashkisë së Tiranës, i cili nuk do i shpëtojë revoltës popullore.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co