Shqiperia

Qyta pistolete e mistri ndërtimi kokës/ Sherr mes shqiptarëve në Greqi, e dhunuan në rrugë dhe tentuan t’i rrëmbejnë nipin e mitur, arrestohen dy vëllezërit

qyta pistolete e mistri ndertimi kokes sherr mes shqiptareve ne greqi e dhunuan ne rruge dhe tentuan ti rrembejne nipin e mitur arrestohen dy vellezerit
qyta pistolete e mistri ndertimi kokes sherr mes shqiptareve ne greqi e dhunuan ne rruge dhe tentuan ti rrembejne nipin e mitur arrestohen dy vellezerit

Një sherr mes shqiptarësh për motive ende të paqarta ka përfunduar në tentativë për rrëmbimin e një të mituri në Zakynthos të Greqisë.

Policia greke ka marrë një telefonatë ditën e djeshme rreth orës 16:31 për një debat mes disa personave në rrugën “Yfantourion” në Zakynthos.

Pasi shkuan në vendngjarje efektivët e policisë ndaluan shtetasin Artur Sakaj, 37 vjeç nga Patosi, drejtues i mjetit “Fiat” me targa ZAE1936 e cila kishte xhamat e thyer.

Gjatë marrjes në pyetje në vendngjarje, ai ka deklaruar se përballë farmacisë që ndodhet aty pranë, shtetasi Arian Rrapaj, 41 vjeç, i ka bllokuar rrugën me automjetin e tij dhe pasi e ka fyer nga brenda mjetit, ka dalë menjëherë dhe duke iu afruar, ka thyer xhamat anësore dhe të pasme të mjetit të tij dhe e ka goditur me qytën e pistoletës në pjesën e pasme të kokës.

Sakaj ka reaguar me një mistri ndërtimi që kishte në makinë dhe ka goditur Rrapajn në kokë, ndërsa kapi pistoletën dhe e hodhi.

Nga një hetim dhe mobilizimi i menjëhershëm i policisë, Arian Rrapaj u lokalizua së bashku me vëllain e tij Arben Rrapaj, 48 vjeç, në shtëpinë e shtetases E. Sakaj, 39 vjeçe, bashkëshortja e vëllait të Artur Sakajt.

Vëllezërit Rrapaj dëmtuan një automjet tjetër të Artur Sakajt i cili ishte i parkuar jashtë shtëpisë, më pas hynë në shtëpi kundër dëshirës së kunatës së tij, duke kërkuar bashkëshortin e saj, i cili ndodhej jashtë Zakynthos dhe me nxitjen e saj për t’u larguar nga shtëpia, ata me forcë kanë kapur fëmijën e saj të mitur për ta marrë me vete, por kjo nuk është bërë e mundur për shkak të mbërritjes së policisë.

Nga hetimet në vendin e ngjarjes fillestare si dhe rreth tij në një zonë të treguar nga Artur Sakaj, nuk u gjet asnjë armë zjarri apo prova të tjera në lidhje me të, as nuk u konfirmua nga dëshmia e një personi të tretë.

Të plagosurit Arian Rrapaj dhe Artur Sakaj janë jashtë rrezikut për jetën, ndërsa Rrapaj po trajtohet për masa paraprake në Spitalin e Zakynthos.

Të tre personat u arrestuan.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News botasot.co

Similar Posts