Sir Keir Starmer e ka bërë Rachel Reeves kancelaren e parë grua të Britanisë, ndërsa ai emëron kabinetin e tij të ri për të vazhduar punën.

Një nga emërimet më të lehta për kryeministrin e ri ishte Reeves si kancelarja e tij e re.

Ajo luajti një rol të madh në fushatë dhe, si një ish-ekonomiste e Bankës së Anglisë, ka ndihmuar në kthimin e besueshmërisë ekonomike te Laburistët nga rrënojat e viteve të Jeremy Corbyn, shkruan The Independent, raporton Gazeta Express.

Ajo është gruaja e parë që mban rolin e dytë më të rëndësishëm në qeverisje në 708 vitet e ekzistencës së zyrës.

Më parë, Angela Rayner ka pasë në dorë departamentin e saj si sekretare e shtetit për ngritjen e nivelit, strehimin dhe komunitetet, duke marrë detyrën nga Michael Gove.

Ishin ngritur pyetje nëse ajo mund të merrte një rol, por ajo e kishte lënë në hije Gove me njëfarë suksesi.

Rayner, e cila do të jetë gjithashtu zëvendëskryeministre – gruaja e dytë që do të mbajë rolin pas Therese Coffey në qeverinë 49-ditore të Liz Truss – do të pasqyrojë rolin e John Prescott, i cili ishte zëvendësi i Tony Blair dhe gjithashtu në krye të departamentit për qeverisje vendore dhe zhvillim.

Vetëm 24 orë përpara se njerëzit të shkonin në votime, Sir Keir shprehte ende modesti për atë se kush do të merrte postet kryesore dhe refuzoi në intervista t’i garantonte dikujt një post.

Burimi informacionit @BalkanWeb: Lexo me shume ne : Bota Sot News botasot.co