![Ramadani sfidon Inter: Nuk shkojmë në “San Siro” për xhiro, duam rezultat pozitiv 2 ramadani sfidon inter nuk shkojme ne san siro per xhiro duam rezultat pozitiv](https://botasot.co/wp-content/uploads/2024/08/ramadani-sfidon-inter-nuk-shkojme-ne-san-siro-per-xhiro-duam-rezultat-pozitiv.jpg)
Ylber Ramadani, mesfushori kuqezi, e nisi sezonin e ri sërish si titullar me fanellën e Lecce, por për fat të keq, ekipi i tij pësoi një humbje të rëndë 4-0 në shtëpi përballë Atalanta-s. Në një intervistë për mediat italiane, Ramadani shpreh keqardhjen për atë humbje pasi e kishin përgatitur ndryshe sfidën e parë në Serie A:
“Ne e kishim përgatitur ndeshjen për të fituar. Në 30 minutat e para ishim shumë intensiv, por më pas pësuan 2 gola brenda pjesës së parë. Pas këtij momenti ekipi humbi ekuilibrat”, u shpreh Ramdani duke u ndalur më pas te sfida e radhës në Serie A, transfertën kundër Inter, një ndeshje shumë e vështirë duke pasur parasysh që zikaltërit do të kërkojnë fitoren pas blofit kundër Geona-s:
“Ata janë kampionët në fuqi, janë një skuadër e fortë, por ne nuk shkojmë në “San Siro” për xhiro, do të përpiqemi të arrijmë një rezultat të mirë”, theksoi Ramadani.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co