Sondazhet serioze të Ipsos, menjëherë pas mbylljes së rezultateve të zgjedhjeve në Francë, nxjerrin rezultate shokuese, në raport me pritshmëritë e krijuara në opinionin publik, sidomos pas raundit të parë zgjedhor.

Tubimi Kombëtar i ekstremit të djathtë ka pësuar një rritje të konsiderueshme në pjesën e saj të vendeve në raport me të kaluarën, por votimi taktik prishi shanset për një shumicë absolute.

Aleanca e krahut të majtë, Fronti i Ri Popullor, ka dalë e para në zgjedhjet legjislative franceze, por nuk arriti të marrë shumicën e ligjvënësve të nevojshëm për të kontrolluar Asamblenë Kombëtare, sipas exit polleve.

Parashikimet nga Ipsos përfaqësojnë një pengesë për Tubimin Kombëtar të ekstremit të djathtë (RN) – që pa se shpresa për të pasur shumicën absolute në Asamble nuk u bë dot realitet.

Fronti i Ri Popullor (NFP), një koalicion i formuar me nxitim i socialistëve, komunistëve, të gjelbërve dhe partisë së majtë France Unboued, do të marrë midis 172 dhe 192 nga 577 vendet e Asamblesë, parashikoi Ipsos.

Fronti i Ri Popullor pasohet nga koalicioni i Ansamblit të Presidentit Emmanuel Macron – që sipas Ipsos parashikon të marrë 150-170 vende, një rënie e ndjeshme nga 245 që fitoi në zgjedhjet më të fundit të 2022.

Pavarësisht kryesimit në sondazhet e raundin e parë të mbajtur më 30 qershor, Tubimi Kombëtar i Marine Le Pen ka të ngjarë të dalë e treta me 132-152 vende, të cilat, nëse konfirmohen, do të shkatërronin shpresat për të vendosur Jordan Bardella-n si kryeministër.

Sondazhi i sotëm ishte raundi i dytë i zgjedhjeve të parakohshme të thirrura nga Macron më 9 qershor, pasi ai mori një goditje me në votimet për Parlamentin Evropian. Ansambli, i njohur më parë si En Marche, u mblodh kryesisht rreth presidencës së Macron, i cili po bëhet gjithnjë e më i papëlqyer teksa mandati i tij i dytë dhe i fundit nuk ka një pëlqyeshmëri të madhe popullore.

Nga rënia e tij ka përfituar në masë të madhe RN, një parti e krahut të djathtë radikal e themeluar prej kohësh, e cila kishte zero vende në Kuvend deri në vitin 2007.

(d.xh-Balkanweb)

Burimi informacionit @BalkanWeb: Lexo me shume ne : Bota Sot News botasot.co