Juventusi po shikon nga e ardhmja, e nënkuptuar kjo si plan për të forcuar edhe më tej organikën bardhezi.
Edhe pse merkato sapo ka përfunduar, për drejtuesit është koha të planifikojnë nënshkrimet e ardhshme për të forcuar më tej skuadrën në dispozicion të Tiago Motës. Pikërisht për këtë, sipas “Il Corriere dello Sport”, bardhezinjtë kanë vënë në shënjestër Xhonatan David, sulmues në pronësi të Lilës, kundërshtari i radhës për “Zonjën” në Champions.
IDEJA E DREJTORIT – Plani i Kristiano Xhuntoli është ta rrëmbejë nga klubi francez, duke qenë se kontrata i skadon në qershor të vitit 2025. Pasi mbërriti në Lila në vitin 2020 si zëvendësues për Osimhen, gjatë viteve David ka qenë gjithmonë në dukej falë golave dhe paraqitjeve të tij. Gjithçka ka ofruar në fushë ka tërhequr interesin e klubeve të ndryshme. Tani, megjithatë, duket se ka ardhur koha për një ndryshim të skenës dhe Juventus thuhet se po e konsideron fuqimisht si një lojtar për partneritet me Dusjan Vlahoviçi, e ardhmja e të cilit në Torino, gjithsesi, duket e pasigurt. Kanadaezi, për momentin, duket se nuk është i gatshëm të rinovojë me Lilën, prandaj Xhuntoli mund të vendosë të bëjë një lëvizje vendimtare shumë shpejt e cila do të shmangte edhe shtimin e konkurrencës e cila duhet thënë se nuk mungon. Sidomos për të tillë profile që nuk kanë kosto kartoni.
RINOVIMI SERB – Ndërkohë, te Juventusi po e mendojmë edhe të ardhmen e Dushan Vlahoviçit. Me skadimin e kontratës në qershor të 2026-ës, për momentin paga (12 milionë neto në vit) që merr sulmuesi nuk hyn në parametrat e klubit, i cili dëshiron të shmangë një tjetër rast Kieza. Sipas edicionit të radhës të “Tuttosport”, objektivi i “Zonjës” është zgjatja e kontratës me serbin, i konsideruar në qendër të projektit, por duke ulur shifrat dhe duke e shpërndarë pagën në një periudhë të gjatë. Tashmë ka pasur diskutime mes klubit dhe agjentit të sulmuesit Darko Ristiç dhe synimi është që të vazhdojnë bashkëpunimin për ende shumë vite. Në muajt e ardhshëm negociatat do të arrijnë në fund, me të dyja palët që shpresojnë të gjejnë një marrëveshje e cila mund t’i kënaqë të gjithë.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
