![Rishikimi i Ligjeve “Për Rininë” dhe “Për Vullnetarizmin”, Bora Muzhaqi në Lushnje dhe Kuçovë: Çdo rekomandim do të reflektohet në draftin final 2 rishikimi i ligjeve per rinine dhe per vullnetarizmin bora muzhaqi ne lushnje dhe kucove cdo rekomandim do te reflektohet ne draftin final](https://botasot.co/wp-content/uploads/2024/07/rishikimi-i-ligjeve-per-rinine-dhe-per-vullnetarizmin-bora-muzhaqi-ne-lushnje-dhe-kucove-cdo-rekomandim-do-te-reflektohet-ne-draftin-final.jpg)
Bora Muzhaqi, Ministri i Shtetit për Rininë dhe Fëmijët, pas takimeve me të rinjtë në Kurbin dhe dhe Shkodër, është ndalur këtë herë në Lushnje e në Kuçovë në kuadër të turit të konsultimeve “Rinia Ndryshon Ligjet” për rishikimin e ligjit nr. 75/2019 “Për Rininë” dhe ligjit nr. 45/2016 “Për Vullnetarizmin”.
Ministrja Muzhaqi e cilësoi këtë bashkëbisedim me të rinjtë e qytetit të Lushnjes dhe Kuçovës dhe zonave përreth konstruktiv e të frytshëm, ku të rinjtë shprehën rekomandimet dhe sugjerimet e tyre për përmirësimin e kuadrit ligjor.
“Çdo koment, sugjerim dhe rekomandim u mbajt shënim për t’u reflektuar në draft ligje”, shprehet ministrja Muzhaqi, teksa shton se pas bisedimeve, të rinjtë plotësuan anketa që thelluan më tej sugjerimet e tyre për përmirësimin e kuadrit ligjor, duke garantuar që nevojat dhe aspiratat e tyre të reflektohen në legjislacionin e ri.
Turi “Rinia Ndryshon Ligjet” synon të sigurojë që zëri i të rinjve të dëgjohet dhe të përfshihet në procesin e rishikimit të ligjeve që i prekin ata drejtpërdrejt, njëjtë me praktikën e ndjekur nga Ministrja Muzhaqi edhe në hartimin e Strategjisë Kombëtare të Rinisë.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co