Kryeministri Edi Rama ka shprehur urimet e tij për Roberta Metsolan, e cila u rizgjodh si Presidente e Parlamentit Evropian ditën e sotme.

Rama u shpreh se ripërtëritja e besimit me 562 vota është një dëshmi e lidershipit, energjisë dhe vizionit të saj të besueshëm në krye të një prej institucioneve kyçe të Bashkimit Evropian në kohët aktuale sfiduese për të gjithë.

Ai shtoi se rizgjedhja e Metsolas është një lajm i mirë për rajonin dhe Shqipërinë e cila pret të vijojë punën për forcimin e marrëdhënieve me BE-në.

“Urime të ngrohta për Roberta Metsola, për rizgjedhjen e saj si Presidente e Parlamentit Evropian. Ripërtëritja e besimit nga Shtëpia Evropiane e Demokracisë me 562 vota të jashtëzakonshme është një dëshmi e lidershipit, energjisë dhe vizionit të saj të besueshëm në krye të një prej institucioneve kyçe të Bashkimit Evropian në kohët aktuale sfiduese për të gjithë. E dashur Roberta, rizgjedhja juaj është gjithashtu një lajm shumë i mirë për rajonin tonë dhe #Shqipëria pret të vazhdojë të punojë ngushtë me ju për të forcuar marrëdhëniet me BE-në, për të mbështetur dhe mbrojtur vlerat e përbashkëta evropiane, si dhe sigurinë, prosperitetin dhe solidariteti i një Unioni të cilit i përkasim dhe punojmë çdo ditë për të qenë pjesë”, shkroi Rama në rrjetin social X.

Burimi informacionit @BalkanWeb: Lexo me shume ne : Bota Sot News botasot.co