Al-Nasr raportohet se po mendon të shkarkojë trajnerin Luis Castro pas humbjes 4-1 të Cristiano Ronaldos & Co. në finalen e Superkupës së Arabisë Saudite ndaj Al-Hilal të shtunën (17 gusht).
39-vjeçari Cristiano Ronaldo hapi rezultatin kundër kampionëve në fuqi, por Al-Hilal arriti të përmbysë rezutatin duke shënuar 4 gola.
Dhe mësohet se ylli portugez & Co kanë vendosur të ndajnë rrugët me Luis Castro.
Klubi me bazë në Riad, sipas Marca, do të shkarkojë trajnerin. Jo vetëm që Al Nassr humbi nga Al-Hilal, por gjestet publike të Cristiano Ronaldos ku tregonte dukshëm zemërimin e tij janë bërë virale në të gjithë botën.
Sipas raportimeve, Ronaldo kishte miratuar emërimin e Luis Castro si trajner i klubit dhe bordi i drejtuar nga kryetari Ibrahim Al Muhidib, ka vendosur që trajneri portugez të lirohet nga detyra.
Vendimi nuk është zyrtarizuar, por bordi duket se është në unison për nevojën e një trajneri të ri për të udhëhequr skuadrën, edhe para fillimit të sezonit 2024-25 të Ligës Saudite Pro League.
Drejtori sportiv Fernando Hierro dhe hierarkia e klubit raportohet se po shikojnë ish-trajnerin e FC Porto, Sergio Conceicao, i cili është pa punë që kur u largua nga gjigantët portugez në fillim të këtij viti.
Liga Saudite Pro do të fillojë të enjten e ardhshme pasi Al Nassr dhe Cristiano Ronaldo kërkojnë t’i rrëmbejnë kurorën Al Hilalit.
PANORAMASPORT.AL
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co