![Rrëzimi i akuzës ndaj Trump, Grenell: Ka ardhur koha të ndodhë e njëjta gjë me Hashim Thaçin 2 rrezimi i akuzes ndaj trump grenell ka ardhur koha te ndodhe e njejta gje me hashim thacin](https://botasot.co/wp-content/uploads/2024/07/rrezimi-i-akuzes-ndaj-trump-grenell-ka-ardhur-koha-te-ndodhe-e-njejta-gje-me-hashim-thacin.jpg)
Gjykatësja federale e qarkut Aileen Cannon e ka hedhur poshtë çështjen e dokumenteve të klasifikuara kundër Donald Trump, raporton CNN.
Në vendimin e dhënë sot, Cannon tha se emërimi i prokurorit special Jack Smith shkel Kushtetutën e SHBA-ve.
Jack Smith’s Trump case falls apart.
Over to you, @HashimThaciRKS.
— Richard Grenell (@RichardGrenell) July 15, 2024
Pas vendimit në favor të ish-Presidentit Trump, ish-emisari amerikan për dialogun Kosovë-Serbi, Richard Grenell ka reaguar.
Ai u shpreh se çështja e Jack Smith kundër Trump po shpërbëhet, ndërsa shtoi se tashmë ka ardhur koha që e njëjta gjë të ndodhë me rastin e ish-Presidentit të Kosovës, Hashim Thaçi.
Ky i fundit mbahet në paraburgim nga Gjykata Speciale që nga viti 2020.
Aktakuzat ndaj ish-krerëve të UÇK-së i kishte ngritur Jack Smith si kryeprokuror i Gjykatës Speciale në vitin 2020, për të dhënë dorëheqje më pas në vitin 2022 pikërisht për ta marrë rastin e Donald Trump.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co