Rreth 68,000 rezervime fluturimesh janë anuluar në Korenë e Jugut pas rrëzimit të avionit të së dielës, sipas raporteve të mediave lokale.
Agjencia e Lajmeve Yonhap tha se më shumë se 33,000 anulime ishin për fluturimet e brendshme, ndërsa 34,000 ishin për linjat ndërkombëtare.
Duke cituar burime të industrisë, agjencia bëri me dije se sektori i udhëtimeve po monitoronte nga afër situatën.
Gjithashtu njoftoi se agjencitë lokale të udhëtimit kishin raportuar një rritje të anulimeve të paketave turistike si pasojë e tragjedisë.
