Disa takime janë padyshim romantike, një shëtitje në plazh në perëndim të diellit ose përkëdhelje në pikën më të lartë të qytetit duke parë dritat e tij. Kush nuk do të ndjente emocione të forta që i mbulonin në ato momente? Por a e dini se çfarë mund të rrisë energjinë seksuale pothuajse menjëherë në një takim? Ushqimet afrodiziake.

Çfarë saktësisht është

Fjala “afrodiziak” vjen nga emri i perëndeshës Afërditë, dhe sipas Organizatës Amerikane të Shëndetësisë, një afrodiziak përkufizohet si çdo produkt që mund të rrisë dëshirën seksuale ose të përmirësojë performancën seksuale.

Si funksionojnë ushqimet afrodiziake

Si burrat ashtu edhe gratë kanë një hormon, oksitocinë, i njohur edhe si “hormoni i dashurisë”, i cili është ai që lidhet me marrëdhëniet njerëzore dhe shqisën e prekjes.

Në të njëjtën kohë, zvogëlon ndjenjën e frikës dhe forcon ndjenjën e besimit. Së bashku me dopaminën dhe serotoninën, ato janë përgjegjëse për emocionet pozitive.

Oksitocina lirohet gjatë orgazmës dhe është e lidhur ngushtë me libidon. E ndërsa nuk mund ta marrim menjëherë nga ushqimi, ka ushqime që rrisin nivelet e tij në gjak.

Pas konsumimit, ushqimet afrodiziake nxisin relaksimin e enëve të gjakut, duke përmirësuar rrjedhjen e gjakut në organet gjenitale, pra edhe ndjenjën e kënaqësisë.

Cilat janë ushqimet afrodiziake më të famshme?

Sigurisht, keni dëgjuar për butak, luleshtrydhe dhe çokollatë të zezë. Përtej këtyre, megjithatë, vera e kuqe, kafeja, kikirikët, mjalti, xhenxhefili dhe speci i kuq djegës i përkasin të njëjtës kategori.

Ide për t’i përfshirë ato në takimin tuaj

Kombinoni çokollatën dhe luleshtrydhet

Përgatitni një darkë romantike dhe për ëmbëlsirë shkrini çokollatën dhe zhytni në të luleshtrydhet e freskëta.

Piknik me ushqim deti

Kur moti e lejon, një ide e mrekullueshme për takime është një piknik në plazh ose në male. Nëse jeni duke shpresuar për një moment pasioni pas takimit, mbushni shportën tuaj me butak dhe çdo ushqim tjetër afrodiziak që dëshironi.

Vizitë në një punishte vere

Ecni nëpër vreshta, shijoni pamjen e bukur dhe verën aromatike. Dhe nëse shëtitjet ju lodhin, atëherë thjesht ndani një shishe verë të kuqe në shtëpi.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co