Rruga Herebel në Peshkopi shkakton ndotje të mjedisit, dëme në të mbjella dhe frutikulturë (FOTO)

Banorët që jetojnë përgjatë rrugës Herebel në Peshkopi po përballen me ndotje të madhe për shkak të punimeve që po kryhen për ndërtimin e lotit të fundit të rrugës së Arbrit.

Banorët dhe fermerët ankohen se po ju shkaktohen dëme të mëdha qoftë në frutikulturë e qoftë në të mbjellat stinore.

Ndërkohë për udhëtarët është një problem madhor prania e pluhurit në rrugë në këto ditë të nxehta Qershorit.

Punimet për ndërtimin e rrugës janë shumë të ngadalta, duke bërë që situata të mund të zgjasë edhe gjatë muajve të verës kur dhe është piku i turizmit.

Banorët kërkojnë që firma e cila është nënkontraktuar nga “Gjoka Konstruksion” që po bën punime në këtë rrugë duhet patjetër që ta lagë trasenë me ujë që të shmangë ndotjen e madhe që shkakton në temperatura që kanë arritu vlera maksimale ditët e fundit.