Ukraina po përgatit një “plan gjithëpërfshirës” për përfundimin e konfliktit me Rusinë, i cili duhet të jetë gati deri në fund të vitit, ka deklaruar presidenti ukrainas Volodymyyr Zelensky.
Zelensky foli në një konferencë për shtyp në Kiev, pas takimit me Presidenten sllovene Natasa Pirc Musar të premten.
“Ne gjithashtu do të përpunojmë të gjitha pikat e tjera të Formulës së Paqes dhe do të përgatisim një plan gjithëpërfshirës që do të jetë në tryezë para partnerëve tanë”, tha Zelensky. “Është shumë e rëndësishme për ne që të tregojmë një plan për t’i dhënë fund luftës që do të mbështetet nga shumica e botës. Kjo është rruga diplomatike në të cilën po punojmë.”
Formula e paqes është një dokument me dhjetë pika që Zelensky zbuloi në nëntor 2022, i cili parashikon që Rusia të lëshojë të gjithë territorin e dikurshëm ukrainas, të tërheqë të gjitha trupat e saj, të paguajë dëmshpërblime dhe t’u nënshtrohet gjykatave të krimeve të luftës, ndër të tjera. Moska e ka hedhur poshtë atë si joreale dhe qesharake.
Ukraina “duhet të jetë e fortë në fushën e betejës”, shtoi Zelensky, “sepse Rusia respekton vetëm forcën”.
“Këto janë dy gjëra paralele – të jesh i fortë në fushën e betejës dhe të zhvillosh një plan, një plan të qartë, një plan të detajuar. Dhe do të jetë gati këtë vit,” u tha ai gazetarëve.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
