Kombëtarja shqiptare e futbollit sot kishte ditën e fotove zyrtare, atyre me uniformat që do të mbajnë në Gjermani, por edhe me kostumet civile me të cilat ekipi do të udhëtojë apo do të paraqitet nëpër evenimente.
Shumë prej lojtarëve nuk kanë ngurruar të hedhin foto në rrjetet sociale gjatë provave, sidomos pjesë së veshjes me kostum.
Edhe Taulant Seferi ishte një prej tyre, por fotot që ka zgjedhur ai, kanë bërë që të fillojnë ngacmimet në rrjetet sociale nga shokët e skuadrës të cilët nuk kanë kursye talljet.
Nga “Urime syneti” te “Urime matura”, apo edhe urimet për fejesën e dasmën, kanë ardhur thuajse nga të gjithë pjesëtarët e kombëtares që janë argëtuar në këtë mënyrë me sulmuesin kuqezi.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
