Senegal, autobusi i pasagjerëve përplaset me një kamion, 16 të vdekur dhe 22 të plagosur

Të paktën 16 persona u vranë dhe 22 u plagosën kur një autobus dhe një kamion u përplasën në Senegalin qendror të hënën herët në mëngjes.

Aksidenti ndodhi rreth orës 6 të mëngjesit me orën lokale (0600 GMT) pranë fshatit Ndangalma, tha një zyrtar i zjarrfikësve.

Aksidentet rrugore janë të shpeshta në Senegal, kryesisht për shkak të gjendjes së keqe të rrugëve dhe automjeteve, si dhe për shkak të drejtimit të pakujdesshëm dhe zyrtarëve të korruptuar përgjegjës për zbatimin e ligjit ose lëshimin e lejeve të drejtimit.

Qeveria e Presidentit Bassirou Diomaye Faye në gusht premtoi veprime të bashkërenduara në përgjigje të rritjes së aksidenteve rrugore.

Ministri i Transportit El Malick Ndiaye njoftoi se kontrollet në anë të rrugës do të shtohen dhe gjobat do të rriten.

Ai u kërkoi gjithashtu operatorëve të transportit, të trajnojnë dhe të rrisin ndërgjegjësimin e punonjësve dhe të respektojnë kushtet e punës veçanërisht në lidhje me orët dhe lodhjen.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co