Një rezolutë që rekomandon që Autoriteti Palestinez (AP) të bëhet anëtar i plotë i OKB-së nuk do të rezultojë në një zgjidhje me dy shtete për konfliktin me Izraelin, tha ambasadorja e SHBA në Kombet e Bashkuara Linda Thomas-Greenfield.

Ajo i bëri komentet në një konferencë shtypi në Seul të mërkurën, pasi u pyet nëse SHBA ishte e hapur për të njohur kërkesën e AP.

Më parë këtë muaj, autoriteti kërkoi të pranohej si një anëtar i plotë i OKB-së. Shteti i Palestinës ka mbajtur statusin e vëzhguesit që nga viti 2012, por anëtarësimi i plotë do të ishte njohja e shtetësisë palestineze, gjë që Izraeli e kundërshton.

“Ne nuk e shohim se marrja e një rezolute në Këshillin e Sigurimit do të na çojë domosdoshmërisht në një pikë ku mund të gjejmë… një zgjidhje me dy shtete që ecën përpara,” tha Thomas-Greenfield.

Komiteti i Këshillit të Sigurimit të OKB-së thuhet se deklaroi këtë javë se “nuk ishte në gjendje të bënte një rekomandim unanim” nëse aplikimi i AP për anëtarësim të plotë përmbushte kriteret.

Burimi informacionit @BalkanWeb: Lexo me shume ne : Bota Sot News botasot.co