Më shumë se 1.3 milionë shtëpi dhe biznese në Teksas mbeten pa energji sot, katër ditë pasi uragani Beryl goditi shtetin me erëra të forta dhe shi të dendur, duke sjellë probleme për banorët që po përballen edhe me temperatura të larta.
Rreth 1.1 milion nga konsumatorët e mbetur në errësirë janë klientë të CenterPoint Energy, kompania më e madhe e shtetit, sipas të dhënave nga faqja e internetit PowerOutage.us.
Edhe pse kompania e energjisë riktheu energjinë për 1.16 milionë konsumatorë pas stuhisë, ajo është në qendër të kritikave të përqendruara në përgatitjet e saj përpara Beryl. Në një letër drejtuar CentrePoint, anëtarja e Dhomës së Përfaqësuesve Silvia Garcia e quajti rivendosjen e ngadaltë të energjisë elektrike një krizë të shëndetit publik.
CenterPoint njoftoi sot se pret që energjia t’u rikthehet 400,000 klientëve të tjerë deri nesër dhe 350,000 klientëve të tjerë deri të dielën. Në total, 2.26 milionë konsumatorë mbetën në errësirë gjatë stuhisë.
“Grupet e emergjencës kanë regjistruar dëme të mëdha pas rënies së pemëve përgjatë rrjetit. “Pemët në zonën më të madhe të Hjustonit ishin veçanërisht të prekshme pas tre viteve të kushteve të pazakonta të motit, duke përfshirë temperatura shumë të ftohta, thatësirë dhe reshje të mëdha shiu pranverën e kaluar”, tha CenterPoint në një njoftim për shtyp.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
