Pesëmbëdhjetë persona u vranë dhe 11 të tjerë u plagosën pasi një minierë u shemb në La Paragua, qytetin e Angostura në shtetin juglindor të Bolivarit të vendit, tha presidenti venezuelian Nicolas Maduro.

Ekipet e kërkim-shpëtimit vazhdojnë të vendosen në zonë nga toka dhe ajri për të gjetur minatorët e bllokuar pas incidentit fatkeq, shtoi presidenti.

“Ne dërguam menjëherë të gjitha ekipet e mbrojtjes civile, së bashku me guvernatorin e shtetit të Bolivarit, Angel Marcano. Do të forcojmë fazën e shpëtimit,” tha Maduro përmes televizionit shtetëror.

Maduro shtoi se hetimet paraprake kanë përcaktuar se shembja e minierës ndodhi pas disa shpimeve dhe “u shemb në një thellësi prej 30 metrash”.

Burimi informacionit @BalkanWeb: Lexo me shume ne : Bota Sot News botasot.co