![Sherr me thikë mes të rinjve në Kavajë, plagoset 28-vjeçari, përfundon në pranga autori 2 sherr me thike mes te rinjve ne kavaje plagoset 28 vjecari perfundon ne pranga autori](https://botasot.co/wp-content/uploads/2024/01/sherr-me-thike-mes-te-rinjve-ne-kavaje-plagoset-28-vjecari-perfundon-ne-pranga-autori.jpg)
Një sherr mes dy personave ka ndodhur mbrëmjen e sotme në Kavajë, teksa i plagosur ka mbetur një 28-vjeçar që është qëlluar me thikë.
Mësohet se konflikti mes tij dhe 34-vjeçarit J. K. ndodhi për motive të dobëta, ndërsa ky i fundit është arrestuar nga policia.
Sakaq, grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
Njoftimi i policisë:
Goditi me mjet të mprehtë, një shtetas, pas një konflikti për motive të dobëta, Policia identifikon, kap dhe shoqëron menjëherë në Komisariat autorin e dyshuar.
Rreth orës 20:00, në lagjen nr. 3 Kavajë, dyshohet se gjatë një konflikti për motive të dobëta, shtetasi J. K., 34 vjeç, ka goditur me mjet prerës shtetasin L. Sh., 28 vjeç, i cili ndodhet në spital nën kujdesin e mjekëve.
Falë reagimit në kohë, shërbimet e Policisë identifikuan, kapën dhe shoqëruan në Komisariat autorin e dyshuar.
Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co