Një person ka vdekur dhe nëntë persona janë plagosur pasi një kabinë e teleferikut me 10 persona ra nga një stacion në qytetin kolumbian të Medellín, thonë autoritetet. Raportet lokale thanë se incidenti ndodhi rreth orës 04:30 me orën lokale (10:30 GMT) në linjën K të rrjetit të teleferikut Metrocable të qytetit.

Dhjetëra njerëz u raportuan të bllokuar në kabina, të cilat u ndaluan midis stacioneve. Metrocable, i cili u hap në vitin 2004, ishte rrjeti i parë i transportit publik i këtij lloji. Viktima quhej Jhon Jairo Londoño, 55 vjeç. “Ka një emergjencë në sistemin Metrocable në zonën verilindore të Medellín”, tha kryebashkiaku Fico Gutiérrez. “Njerëzit po transferohen në qendrat e kujdesit mjekësor”.

Pamjet në mediat lokale treguan njerëz të shtrirë në tokë. Carlos Quintero, kreu i agjencisë së reagimit ndaj katastrofave në Medellín, tha për mediat lokale se një kabinë ishte ndalur kur hyri në stacion dhe ishte goditur nga kabina më poshtë, e cila më pas “u shkëput dhe ra në trotuar”.

#Medellín | Este es el primer accidente de este tipo que ocurre en esta línea del metrocable desde que entró en operación el 7 de agosto de 2004⬇️ pic.twitter.com/xrw8DpHysK

— El Colombiano (@elcolombiano) June 26, 2024

Metrocable, i inauguruar në vitin 2004, përbëhet nga gjashtë linja dhe 20 stacione. Teleferikët shërbejnë për lidhjen e zonave me të ardhura të ulëta të qytetit të shtrirë në kodra të pjerrëta me qendrën, duke ulur krimin. Menaxheri i Metrocable, Tomás Elejalde u tha gazetarëve se aksidenti i së mërkurës ishte më i keqi që nga inaugurimi i sistemit./BBC/

Burimi informacionit @BalkanWeb: Lexo me shume ne : Bota Sot News botasot.co