Shkon në 93 numri i të vdekurve nga rrëshqitjet e dheut në Indi

Të paktën 93 persona kanë vdekur dhe dhjetëra rezultojnë të zhdukur, pas rrëshqitjeve të dheut në shtetin jugor të Indisë, Kerala, raporton “BBC”.

Rrëshqitjet e dheut, të iniciuar nga reshjet e shumta të shiut, ndodhën në qarkun Wayanad në orët e hershme të së martës.

Operacionet e kërkim-shpëtimit po vazhdojnë, por po pengohen nga moti jo i mirë dhe shembja e një ure kyçe.

Shifra e viktimave po pritet të rritet më tepër, kanë thënë autoritetet.

Është katastrofa më e rëndë që ka goditur Keralan që nga viti 2018, kur nga përmbytjet kishin humbur jetën mbi 400 persona.

Burimi informacionit @BalkanWeb: Lexo me shume ne : Bota Sot News botasot.co