SIRI – 14 persona u vranë dhe 8 u plagosën gjatë kohës që njerëzit grumbullonin tartuf në Siri. Vdekjet erdhën si rezultat i shpërthimit të një mine të lënë nga ISIS në jug të qytetit Rusafa në fshatin jugor të Raqqas, sipas mediave pranë qeverisë së Damaskut.

Sirianët përdorin mbledhjen e tartufit në shkretëtirë për t’i shitur me çmime të larta dhe për të ndihmuar në mbulimin e shpenzimeve të tyre, në vendin e shkatërruar nga lufta.

Observatori Sirian për të Drejtat e Njeriut raportoi se në mesin e të vdekurve kishte edhe gra. Përkundër rreziqeve të grumbullimit të tartufit, banorët vazhdojnë këtë punë sepse shitet me çmim të lartë, gjë që shpjegon kërkesën për grumbullimin e tyre në kushtet e vështira ekonomike.

Gjatë sezonit të grumbullimit të tartufit, i cili zgjat nga shkurti deri në prill, vdekjet ndodhin vazhdimisht si rezultat i shpërthimeve të minave, pasi banorët i përkushtohen mbledhjes së tyre nga zonat e gjera të shkretëtirës, që më parë ishin nën kontrollin e mercenarëve të ISIS-it, të cilët miratuan vendosjen e minave, si strategji bazë gjatë viteve të kontrollit të territorit.

(ANHA News – BalkanWeb)

Burimi informacionit @BalkanWeb: Lexo me shume ne : Bota Sot News botasot.co