Trajneri i Ukrainës, Sergej Rebrov, është i bindur se Shqipëria është një kundërshtar me potencial shumë të lartë dhe shumë i rrezikshëm për çdo ekip. Duke folur pak ditë para ndeshjes mes dy skuadrave, të cilat janë në të njëjtin grup në Ligën e Kombeve, Rebrov paralajmëroi se Shqipëria duhej trajtuar me kujdes dhe nuk duhej nënvlerësuar kurrsesi.
“Mendoj se Shqipëria ishte shumë e pafat në shortin e Europianit, të gjithë kundërshtarët ishin të një niveli të lartë, në të gjitha ndeshjet ata mbrojtën mirë. Por në fazën kualifikuese, ata luajtën me shumë besim, ata kanë një lojë intensive.
Të gjithë lojtarët luajnë në Europë, thuajse i gjithë ekipi titullar luan në kampionatin italian. Ne duhet ta trajtojmë këtë kundërshtar me shumë seriozitet. Mendoj se Shqipëria nuk ka treguar ende potencialin e saj, që është shumë i madh”, tha Rebrov për mediat ukrainase nga grumbullimi i përfaqësueses në Pragë.
PANORAMASPORT.AL
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
