![Shqipëria U-15 do të luajë dy ndeshje miqësore me Maqedoninë e Veriut më data 22 & 24 gusht 2 shqiperia u 15 do te luaje dy ndeshje miqesore me maqedonine e veriut me data 22 24 gusht](https://botasot.co/wp-content/uploads/2024/07/shqiperia-u-15-do-te-luaje-dy-ndeshje-miqesore-me-maqedonine-e-veriut-me-data-22-24-gusht.jpg)
Edhe Kombëtarja shqiptare U-15 do të zhvillojë dy ndeshje miqësore në muajin gusht. Departamenti i Komunikimit në FSHF bën me dije se është arritur marrëveshja me Federatën e Futbollit të Maqedonisë së Veriut që këto dy miqësore të luhen më datat 22 dhe 24 gusht.
Ndeshja e parë do të zhvillohet në stadiumin “Gjorgji Kyçyku” në Pogradec, në ora 17:00. Ndërsa takimi i dytë do të luhet në stadiumin “Skënderbeu” në Korçë, në ora 17:00.
Grumbullimi i Kombëtares shqiptare U-15 do të nisë më datë 18 gusht në Pogradec, aty ku skuadra e drejtuar nga trajneri Armand Dama, do të përgatitet në kuadër të dy ndeshjeve miqësore me Maqedoninë e Veriut U-15.
Këto dy teste miqësore janë mundësi shumë e mirë për trajnerin Armand Dama dhe stafin teknik të Kombëtares U-15 për të testuar e vëzhguar nga afër lojtarët e grumbulluar.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co