![SPAK kërkoi 2 vite e 6 muaj burg, zbardhet dëshmia e Fredi Belerit: Po falsifikohen provat, gjyq politik me urdhër të Ramës! 2 spak kerkoi 2 vite e 6 muaj burg zbardhet deshmia e fredi belerit po falsifikohen provat gjyq politik me urdher te rames](https://botasot.co/wp-content/uploads/2024/02/spak-kerkoi-2-vite-e-6-muaj-burg-zbardhet-deshmia-e-fredi-belerit-po-falsifikohen-provat-gjyq-politik-me-urdher-te-rames.png)
Vijon edhe sot seanca gjyqësore në GJKKO për Fredi Belerin, për të cilin dje SPAK kërkoi 2 vite e 6 muaj burg.
Mediat greke i kanë kushtuar një artikull Belerit, i cili ndodhet pas hekurave nën akuzën e blerjes së votave.
Ndërkohë, për të bashkëpandehurin Pantelis Kokaveshin, prokuroria propozoi dënim me 4 vite me kusht për shkak të problemeve shëndetësore.
Duke iu drejtuar gjyqtarëve, Fredi Beleri tha dje në sallën e gjyqit se gjyqi ndaj tij ishte politik.
“Kam ankesa se si funksionon prokuroria, duke refuzuar vazhdimisht provat e mia dhe duke mos marrë në pyetje personat që kemi treguar si dëshmitarë. Në rastin tim ka ndodhur falsifikimi i provave. Kushdo që ka falsifikuar dokumentet e shtetit shqiptar mban përgjegjësi penale. Këtu në Shqipëri nuk kemi drejtësi të paanshme sepse procesi është i motivuar politikisht dhe shohim kryeministrin të ndërhyjë në këtë rast duke i lënë himarjotët pa kryebashkiak. Ky është një persekutim politik dhe nuk më lejoni të betohem si kryetar bashkie”, tha ai në dëshminë e tij.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co