Të paktën 3 persona mbetën të plagosur në Berlin si pasojë e sulmeve me thikë.
Incidenti i parë ndodhi rreth orës 20:40 në Zwiestädter Straße në lagjen Neukölln. Dy burra po debatonin, ndërsa njëri prej tyre goditi me thikë personin tjetër, i cili u rrëzua jashtë një restoranti me një plagë në qafë.
I plagosuri u trajtua në vendngjarje dhe u dërgua në spital për ndërhyrje urgjente. Autori fillimisht u largua nga vendi i ngjarjes, por pak më vonë u kthye në seksionin e policisë 54 në Neukölln.
Policia nisi hetimet në vendngjarje, por atë natë nuk ishte e qartë nëse një skuadër vrasjesh do të merrte përsipër rastin.
Sipas të dhënave fillestare, mësohet se mosmarrëveshja ka qenë për një grua.
Gjashtë orë më vonë ndodhi sulmi tjetër. Rreth orës 02:00 pati një debat mes disa personave në Leopoldplatz. Sipas deklaratave të dy të plagosurve, të paktën 20 persona i kanë sulmuar! Një nga sulmuesit nxori një thikë.
Një person ka pësuar lëndime në shpinë dhe një tjetër në kokë. Ata u dërguan në spitale.
Fillimisht ishte e paqartë se sa persona ishin të përfshirë dhe nëse kishte lëndime të tjera. Policia këtu po heton edhe për lëndimet e rrezikshme fizike.
Sipas statistikave të krimit të Berlinit, një thikë është përdorur si armë vrasjeje në 3482 raste në vitin 2023, që është 165 raste më shumë se një vit më parë dhe korrespondon me një rritje prej pesë për qind. Çdo person i tretë i përfshirë ishte nën 21 vjeç.
Statistikat e krimit të policisë mbarëkombëtare tregojnë gjithashtu një rritje të vazhdueshme të sulmeve me thikë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
