Presidenti amerikan Joe Biden ka reaguar në lidhje me sulmet ndaj grupeve në Irak e Siri që sulmuan më parë ushtrinë amerikane.
Biden tha se kjo ishte vetëm nisja e përgjigjes së SHBA ndaj sulmeve, teksa shtoi se Amerikan nuk kërkon konflikt.
“Përgjigja jonë filloi sot. Do të vazhdojë në kohë dhe vende që ne zgjedhim. Shtetet e Bashkuara nuk kërkojnë konflikt në Lindjen e Mesme apo askund tjetër në botë. Por le ta dinë të gjithë ata që mund të kërkojnë të na dëmtojnë: nëse dëmtoni një amerikan, ne do të përgjigjemi”, tha ai.
Biden përsëriti deklaratën e tij në një postim në rrjetin social “X”.
“Sot, nën drejtimin tim, forcat ushtarake të SHBA-së goditën objektivat në Irak dhe Siri që IRGC dhe milicitë e lidhura përdorin për të sulmuar forcat amerikane. Ne nuk kërkojmë konflikt në Lindjen e Mesme apo askund tjetër në botë. Por për të gjithë ata që kërkojnë të na dëmtojnë: Ne do të përgjigjemi”, shkroi Biden.
Today, at my direction, U.S. military forces struck targets in Iraq and Syria that the IRGC and affiliated militia use to attack U.S. forces.
We do not seek conflict in the Middle East or anywhere else in the world.
But to all those who seek to do us harm: We will respond.
— President Biden (@POTUS) February 2, 2024
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co