Numri i viktimave nga sulmi izraelit në zonën Tal as-Sulltan të Rafahut ka shkuar në 40.
Agjencia e lajmeve Wafa raporton se shumica e të viktimave ishin gra dhe fëmijë dhe shumë u dogjën të gjallë.
Dhjetra të plagosur u dërguan në spitalet e zonës, të cilët, sipas Gjysmëhënës së Kuqe Palestineze, “nuk janë në gjendje të menaxhojnë këtë numër të madh të pranimeve”.
IDF tha në një deklaratë se bastisja e kryer në Rafah eliminoi terroristin Yassin Rabia, komandant i udhëheqjes së Hamasit në Jude dhe Samari, si dhe Khaled Nagar, një zyrtar i lartë i krahut të Hamasit.
Sulmi, deklaron IDF, u krye në zonën Tal as Sultan, në veriperëndim të Rafah, në bazë të informacionit të saktë të inteligjencës.
Hamasi tha se palestinezët duhet “të ngrihen dhe të marshojnë” kundër “masakrës” të kryer nga ushtria izraelite në Rafah, në jug të Gazës.
“Në dritën e masakrës së tmerrshme të kryer këtë mbrëmje nga ushtria kriminale në tendat e njerëzve të zhvendosur, ne u bëjmë thirrje popullit tonë në Bregun Perëndimor, në Jerusalem, në territoret e pushtuara dhe jashtë saj të ngrihen dhe marshojmë me zemërim kundër masakrës së vazhdueshme sioniste kundër popullit tonë në këtë sektor”, tha grupi militant palestinez në një deklaratë.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
