Të shtëna me armë zjarri janë regjistruar pasditen e sotme në Prishtinë të Kosovës.

Ngjarja ka ndodhur rreth orës 16:00 në rrugën ”Mon Balaj”.

Nga informacionet e para të policisë mësohet se dy persona kanë marrë lëndime, e për rrjedhojë janë dërguar në QKUK për trajtimin e nevojshëm mjekësor.
“Rreth orës 16:00, është raportuar për të shtëna me armë zjarri në rrugën ”Mon Balaj” në Prishtinë.

Policia menjëherë ka dalë në vendin e ngjarjes dhe nga informacionet e para është bërë e ditur se dy persona kanë marrë lëndime dhe të njëjtit janë dërguar në QKUK për trajtimin e nevojshëm mjekësor.

Policia në mënyrë aktive po vijon punën e saj me veprime të ekzaminimit të vendngjarjes si dhe me veprime të tjera operativo-hetimore, me qëllim të sqarimit të rrethanave që karakterizojnë ngjarjen si dhe identifikimin, lokalizimin dhe kapjen e personave që dyshohet të jenë të përfshirë në rastin në fjalë”, njofton policia.

Burimi informacionit @Gazeta Shqiptare Online: Lexo me shume ne :bota sot www.botasot.co