Tedi Cara jashtë kundër Vllaznisë, në dilemë edhe tre të tjerë

Përveç faktit që nuk mori më shumë se barazimi kundër Laçit dhe shpërdoroi shansin të afrohet me Vllazninë për vendin e dytë, Partizani vuan pasojat edhe në betejën e radhës pikërisht kundër shkodranëve, rivalët direkt.

Tedi Cara është mungesë e sigurt për trajnerin Shehi për shkak të kartonit të kuq të marrë të shtunën. Probleme muskulore ka shfaqur edhe Andi Hadroj, i cili në pamje të parë duket se ka vetëm lodhje, por pas ekzamimimeve mjekësore pritet të qartësohet gjithçka.

Tjetër problem është edhe Skuka, i cili ka probleme me stomakun dhe iu desh të linte fushën pa përfunduar pjesa e parë. Në garë me kohën është edhe Mehmeti, që vijon rikuperimin. Të gjitha këto ia bëjnë të vështirë këtë javë Shehit, i cili ka edhe gjashtë ditë kohë për të korrigjuar sa mundet.

Burimi informacionit @BalkanWeb: Lexo me shume ne : Bota Sot News botasot.co