Nën presionin ndërkombëtar në rritje për të prodhuar prova të rizgjedhjes së tij të sfiduar nga opozita në zgjedhjet presidenciale të së dielës, presidenti i Venezuelës Nicolas Maduro akuzoi dy nga liderët e saj se kishin “gjak në duart e tyre” dhe kërcënoi me burg, duke u zotuar kundërshtarëve të tij se nuk do të marrin kurrë pushtetin në vend.

Gjatë një konference për shtyp, me korrespondentët e huaj të shtypit të pranishëm në pallatin presidencial Miraflores, z. Maduro tha në mënyrë karakteristike “Gonzalez Urrutia, trego fytyrën, dil nga vendi ku fshihesh, mos u bëj frikacak, zonja Machado ke gjak në duar. Ata nuk do ta marrin kurrë pushtetin. Këta njerëz duhet të shkojnë në burg dhe drejtësia duhet të vendoset,” këmbënguli ai, duke folur për një përpjekje për “kundërrevolucion” në nivel ndërkombëtar, një përpjekje sipas tij e dhunshme për të marrë pushtetin.

Ishte konferenca e parë e dhënë nga kreu i shtetit pas gati dy vitesh me prezent korrespondentë të shtypit të huaj.

Trashëgimtari politik i presidentit socialist Hugo Chavez, Maduro, 61 vjeç, në pushtet që nga viti 2013, u shpall zyrtarisht fitues i zgjedhjeve presidenciale të së dielës nga komisioni zgjedhor, me 51.2% të votave, krahasuar me 44.2% të kundërshtarit të tij të Edmundo Gonzalez Urrutia, duke siguruar një mandat të tretë radhazi deri në vitin 2031. Kryetarja e opozitës, María Corina Machado, u skualifikua nga zgjedhjet presidenciale dhe propozoi zëvendësimin e saj të nxituar nga González Urrutia. Të dy kundërshtuan rezultatin, duke denoncuar “mashtrimin masiv” dhe mbështetësit e tyre kanë protestuar gjatë gjithë javës. Ata thonë se kanë “prova” të fitores së kandidatit të opozitës.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co