Tifozët e Juventusit kanë kërkuar në kor largimin e Tiago Motës pas ndeshjeve të fundit të bardhezinjve, të cilët kanë dalë përsëri nga zona e Ligës së Kampioneve me disfatat e njëpasnjëshme ndaj Atalantës e Fiorentinës. Klubi ka konfirmuar se nuk ka ndër mend ta shkarkojë dhe vetë trajneri konfirmoi se nuk ka ndër mend të japë dorëheqjen.
“Do të ishte shumë e thjeshtë ta bëja, nuk më pëlqejnë gjërat e thjeshta. Kemi nevojë që të fitojmë, duhet të gjejmë mënyrën për të bërë pikët që na nevojiten për objektivin tonë, i cili është të jemi mes katër të parëve në kampionat.
Kjo ishte pak a shumë vazhdimësia e ndeshjes së fundit, ishte e njëjta histori. E nisim mirë, pastaj te vështirësia e parë si ndaj Atalantës, nuk kemi ditur të reagonim. Duhet të përmirësohemi, sot nuk ishim mirë në asnjë nga fazat e lojës. Duhet të rikuperojmë këta djem, mendoj se para kësaj ndeshje kemi treguar një fytyrë tjetër dhe reagimi ishte gjithmonë shumë i mirë’, tha Tiago Mota pas ndeshjes së humbur 3-0 ndaj Fiorentinës.
PANORAMASPORT.AL
–> © Panorama.al Burimi informacionit @Panorama.al: Lexo me shume ne :bota sot botasot.co
