Në “Air Albania” pati disa momente interesante gjatë ndeshjes mes Dinamos dhe Teutës, që i sjell “Panorama Sport”.
* Interesim i paktë nga ana e tifozëve për këtë ndeshje. Përveç tifozëve në tribunën qendrore, në pjesë e rezervuar për tifozët vendës ra në sy një grup fëmijësh që gjithë kohën brohoritën për Dinamon. Po ashtu edhe lojtarët e ekipeve të akademisë. Në anën tjetër, rreth 20 tifozë të Teutës ndjeheshin me një daulle sa herë kishte raste të rrezikshme për skuadrën e tyre.
* Presidentët e dy skuadrave, Adrian Bardhi i Dinamos, dhe Edmond Hasanbelliu, nuk preferuan tribunën VIP të stadiumit, por llozhat e tij.
* Në një moment të pjesës së dytë, kur Jazxhi mori karton të verdhë për një faull në mesfushë, trajneri Martini reagoi menjëherë ndaj lojtarit të tij: “Ça je tu bo, mo ça je tu bo?!”.
* Në disa momente trajneri Mehmeti dëgjohej teksa i drejtohej Zabërgjës: “Zabi, dili përpara!”.
* Tifozët e Dinamos në tribunën qendrore gjithë kohën janë kapur me kryesorin Hamiti, duke kontestuar vendimet e tij, sidomos tolerimin e disa ndërhyrjeve të ashpra ndaj lojtarëve blu.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
