![Tre persona konfliktohen me sende të forta në Babrru, Policia jep detajet e para 2 tre persona konfliktohen me sende te forta ne babrru policia jep detajet e para](https://botasot.co/wp-content/uploads/2024/08/tre-persona-konfliktohen-me-sende-te-forta-ne-babrru-policia-jep-detajet-e-para.gif)
Efektivët e komisariatit numër 5 në Tiranë kanë vënë në pranga 3 persona pasi këta të fundit pas një konflikti me njëri tjetrin kanë përdorur edhe sende të forta.
Policia thotë se 3 të arrestuarit akuzohen për plagosje e lehtë me dashje, ndërkohë që pas kontrolleve në banesa janë gjetur edhe sende të tjera të paligjshme.
Njoftimi i policisë:
Specialistët për Hetimin e Krimeve të Komisariatit të Policisë Nr. 5 arrestuan shtetasit L. A., 31 vjeç, Xh. A., 60 vjeç, për veprën penale “Plagosja e lehtë me dashje”, kryer në bashkëpunim, parashikuar nga neni 89/25 i Kodit Penal, dhe shtetasit J. D., 28 vjeç, dhe G. D., 33 vjeç, për veprat penale “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit” kryer në bashkëpunim, parashikuar nga neni 89 dhe 278 e 25 të Kodit Penal. Këta shtetas, dyshohet se në Babrru, për motive të dobëta, janë konfliktuar me sende të forta. Gjatë kontrollit të banesës së shtetasve J. D., dhe G. D., shërbimet e Policisë gjetën dhe sekuestruan, në cilësinë e provës materiale, 2 fishekë arme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co