![Trump ashpërson tonet: Kamala Harris ka probleme të mëdha. Nëse ajo fiton, vendi ynë merr fund! 2 trump ashperson tonet kamala harris ka probleme te medha nese ajo fiton vendi yne merr fund](https://botasot.co/wp-content/uploads/2024/08/trump-ashperson-tonet-kamala-harris-ka-probleme-te-medha-nese-ajo-fiton-vendi-yne-merr-fund.jpg)
Kandidati republikan për zgjedhjet presidenciale në Shtetet e Bashkuara, Donald Trump, ka hedhur një sërë akuzash personale ndaj rivales së tij demokrate, Kamala Harris. Deklaratat e Trump shikohen si tentativa për të fituar pikë tek elektorati republikan në Karolinën e Veriut.
Disa aleatë, donatorë dhe këshilltarë kanë shprehur shqetësim për sulmet e Trump ndaj intelektit të nënpresidentes amerikane dhe sugjeruan që ai të përqendrohej në atë që ata argumentojnë se janë politikat e dështuara që Harris ka promovuar gjatë kohës që ishte në detyrë.
“Ata vendosën një kandidat tjetër. Ajo u largua nga një person krejtësisht i pa respektuar gjashtë javë më parë. Askush nuk mendoi se ajo kishte një shans.
Askush. Dhe nuk mendoj se ajo mund të fitojë. Nëse e bën, vendi ynë ka mbaruar. Dëshironi të dini…? Por ajo nuk u respektua plotësisht. Ajo është nënkryetarja më e papëlqyer në historinë e vendit tonë.”
Trump vijoi me ofendime deri dhe personale ndaj Kamala Harris. Në një moment e quajti ‘budallaqe’, madje i komentoi edhe buzëqeshjen e saj.
“E dini, e qeshura e saj është kërcënuese për karrierën. Ajo nuk ka qeshur, nuk qesh më, është e zgjuar. Por një ditë do të dalë. Kjo është një e qeshur e një personi me disa probleme të mëdha”.
Trump ka një epërsi të vogël ndaj Kamala Harris në Karolinën e Veriut, citon Reuters. Harris ndërkohë do të jetë të premten në Karolinën e Veriut, ku do të flasë për politikën ekonomike.
Ajo do të përshkruajë një plan “për të ulur kostot për familjet e klasës së mesme dhe për të marrë përsipër rritjen e çmimeve të korporatave.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co