JD Vance ka folur sot për herë të parë pasi Donald Trump e zgjodhi atë për të qenë zv/presidenti i tij nëse republikani do të arrijë të mposhtë Joe Biden në zgjedhjet presidenciale të nëntorit në SHBA.
Ai vijoi duke cilësuar Trump si një “lider të vërtetë”, i cili arriti të ulë temperaturën në skenën politike në vend.
“Mediat vazhdojnë të thonë se duan që dikush të ulë temperaturën,” tha ai. “Epo, Donald Trump u qëllua dhe ai uli temperaturën. Kështu bën një lider i vërtetë”, shtoi Vance.
“Është koha për të hequr qafe regjimin e korruptuar Biden-Harris që ka thyer këtë vend, që ka shkatërruar reputacionin e tij në botë dhe më e rëndësishmja, e ka bërë jetën bazë të klasës së mesme më pak të përballueshme për qytetarët tanë”, tha Vance.
Zgjedhja e tij është kritikuar nga demokratët për shkak të qëndrimeve të tij për ndihmën në Ukrainë, për të cilën ai ka thënë më herët se “nuk i intereson”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
