Ish-banori i “BBV”, Liam Osmani ka rrëfyer për herë të parë përjetimin e ngjarjes së sikletshme të arrestimit të tij brenda shtëpisë vetëm 24 orë pasi u bë pjesë e këtij reality show.
Gjatë një interviste në emisionin “Se luan as topi”, Liami tha se ishte shumë i shqetësuar për dy prindërit e tij sepse nuk dëshironte që ata të mërziteshin.
Mes lotësh ish-banori tregoi që kur e ëma e vizitoi në parabugrim ishte shumë e mërzitur dhe kishte qarë me orë të tëra.
“Rëndësia më e madhe për mua ishte, pse familja ime ta përjetonte këtë gjë. Por, gjithsesi e kaluan me sportivitet, luftuan dhe aty janë prapë me mua”– tha ai.
Ish-konkurrenti u shpreh se nuk kishte dijeni të ngjarjes, duke shtuar se mund të kishte pasur edhe alternativa të tjera.
“Në këtë format, nuk ka ndodhur kurrë diçka e tillë, që një person të futet në shtëpinë më të famshme të Shqipërisë dhe të merret pas 24 orësh dhe të dërgoj diku tjetër.
Kur, mendoj unë, mund të kishte pasur edhe alternativa të tjera, por sikurse thonë, kur të vijnë mend, nuk t’i hanë as qentë. Unë nuk kam qenë në dijeni për asgjë. Unë kuptova që çdokush mund të shkojë në burg, jo vetëm unë. Ndjesi e keqe është”- u shpreh Liami.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
