U gjetën të pajetë në Gaza, Hamasi fajëson Izraelin për vdekjen e pengjeve: U vranë nga një sulm ajror

u gjeten te pajete ne gaza hamasi fajeson izraelin per vdekjen e pengjeve u vrane nga nje sulm ajror

Pasi Forcat e Mbrojtjes izraelite (IDF) njoftuan se kishin gjetur trupat e pajetë të gjashtë të burgosurve që mbaheshin peng që nga 7 tetori, Hamasi ka deklaruar se nuk është përgjegjës për vdekjet e tyre.

Zyrtari i lartë i Hamasit, Izzat Al-Rishq u shpreh se gjashtë të burgosur izraelitë të gjetur në një tunel në Rripin jugor të Gazës u vranë nga sulmet ajrore izraelite.

Al-Rishq fajësoi gjithashtu SHBA-në për “paragjykimin, mbështetjen dhe partneritetin” në luftën 11-mujore në territorin e rrethuar.

Njëri nga të burgosurit ishte një shtetas i dyfishtë amerikano-izraelit, ndërsa tjetri ishte një shtetas ruso-izraelit.

Zyrtari deklaroi se Hamasi kujdeset më shumë për jetën e të burgosurve sesa presidenti amerikan, Joe Biden, duke vënë në dukje se grupi e pranoi propozimin dhe rezolutën e Këshillit të Sigurimit të OKB-së.

“Netanyahu e refuzoi atë dhe administrata e tij ra dakord me kërkesat e kryeministrit, të cilat synonin të pengonin një marrëveshje për të ruajtur pushtetin e tij”, tha al-Rishq.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News botasot.co