![U kap duke u kujdesur për bimët narkotike të mbjella në pyll, arrestohet 31-vjeçari/ Policia i gjen në banesë edhe jelek antiplumb, fenelina policie dhe… 2 u kap duke u kujdesur per bimet narkotike te mbjella ne pyll arrestohet 31 vjecari policia i gjen ne banese edhe jelek antiplumb fenelina policie dhe](https://botasot.co/wp-content/uploads/2024/08/u-kap-duke-u-kujdesur-per-bimet-narkotike-te-mbjella-ne-pyll-arrestohet-31-vjecari-policia-i-gjen-ne-banese-edhe-jelek-antiplumb-fenelina-policie-dhe.jpg)
Një 31-vjeçar u arrestua nga policia në kuadër të operacionit “Territori i pastër” që u shtri në hapësirën pyjore të fshatit Kujt në Fan të Mirditës. 31-vjeëari V.N po kujdesej për dhjetëra bimë kanabisi të kultivuara në zonën pyjore.
Ndërkohë, policia njoftoi se gjatë kontrollit në banesën e këtij shtetasi u gjetën dhe u sekuestruan 4 kilogramë lëndë narkotike kanabis të paketuara gati për shitje, jelek antiplumb, fenelina dhe një armë gjahu.
Në vijim të operacionit, u proceduan penalisht për veprën penale “Shpërdorimi i detyrës” shtetasit F. Gj., 48 vjeç, me detyrë kryeplak i fshatit Fan dhe Sh. M., 57 vjeç, me detyrë specialist i pyjores. Këta shtetas dyshohet se nuk kanë kryer detyrën e tyre funksionale në zonën që mbulojnë.
Materialet në ngarkim të këtyre shtetasve iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co