Policia e Fierit ka arrestuar edhe një 17-vjeçar, Klajdi Muka, në lidhje me vrasjen e djeshme të 19-vjeçarit Grei Bihuci.

Në njoftimin e bluve sqarohet se i mitur në bashkëpunim me 18 vjeçarin Florjan Muka, gjatë një konflikti për motive të dobëta kanë vrarë me thikë Bihucin dhe kanë plagosur një 20-vjeçar, i cili është jashtë rrezikut për jetën.

Gazetarja Marsela Topi raporton për BalkanWeb se dy personat e arrestuar ishin kushërinj, djem xhaxhallarësh.

Mbi Klajdi Mukën rëndon akuza e bashkëpunimit në vrasje.

Në cilësinë e provës materiale janë sekuestruar një mjet prerës (thikë) dhe një përforcues grushti, të cilat janë gjetur në vendin e ngjarjes.

Njoftimi i Policisë:

Në vijim të informacionit paraprak të dhënë ditën e djeshme, për ngjarjen e ndodhur reth orës 11:30, në bulevardin “Jakov Xoxa”, Fier, informojmë se në vijim të veprimeve hetimore dhe procedurale të kryera nga specialistët për Hetimin e Krimeve të Rënda të DVP Fier, në drejtimin e Prokurorisë, u arrestuan në flagrancë shtetasit F. M., 18 vjeç, banues në Fier dhe K. M., 17 vjeç, banues në fshatin Kallm i Madh, Fier. Nga veprimet hetimore dyshohet se këta 2 shtetas, në bashkëpunim me njëri-tjetrin, pas një konflikti për motive të dobëta, kanë vrarë me mjet prerës (thikë), shtetasin G. B., 19 vjeç, dhe kanë plagosur shtetasin O. S., 20 vjeç, i cili është në spital, jashtë rrezikut për jetën. Në cilësinë e provës materiale janë sekuestruar një mjet prerës (thikë) dhe një përforcues grushti, të cilat janë gjetur në vendin e ngjarjes.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co