Deputetja e PL-së, Monika Kryemadhi u përball me Ilir Metën në sallën e gjyqit në GJKKO, me të cilin është në proces divorci.
Kryemadhi, pas daljes nga ambientet e GJKKO-së, u shpreh se e shqetëson prezenca me Ilir Metën në një sallë gjyqi.
“Më shqetëson prezenca me Ilir Metën në një sallë, sepse është provokim”, tha Kryemadhi.
Ndërkohë ditën e djeshme, në një konferencë, Kryemadhi hodhi akuza se po përpiqen t’i shkatërrojnë familjen.
Ajo deklaroi se ka 7 muaj që nuk komunikon me ish-bashkëshortin dhe nuk ka shkuar ta takojë në qeli pasi Ilir Meta nuk do të pranonte.
Kryemadhi theksoi se pavarësisht se Meta ka kërkuar divorcin vazhdon ta dojë, duke shtuar se “në një moshë më të re mund të kisha bërë edhe vetëvrasje për të”.