Anëtari i Këshillit Bashkiak të Tiranës, Dorjan Teliti ka reaguar përmes një postimi në rrjetet sociale lidhur me mbledhjen e Këshillit Bashkiak të zhvilluar një ditë më parë.

Teliti shkruan se se teksa ishte në mbledhje i është ndërprerë fjala nga Kryetarja e Këshillit, shkak sipas tij janë bërë denoncimet që ky i fundit ka bërë lidhur me abuzimet.

Ndërkohë, Teliti fton sot në orën 11:00 të gjithë  qytetarët ti bashkohen protestës.

Postimi i plotë:

”Ndërkohë që dje në mbledhjen e Këshillit Bashkiak po flisja dhe po denoncoja gabimet, abuzimet, vjedhjet e ekzekutivit të Bashkisë Tiranë, cfarë mendoni ju që ndodhi?

Këshilltarët e majtë u ndërgjegjësuan dhe me në fund ngritën edhe ata zërin dhe shqetësimin për milionat e gllabëruara e të zhdukura apo nga Kryetarja e Këshillit mu ndërpre fjala sapo fillova me denoncimet dhe më përjashtoi padrejtësisht nga mbledhja e Këshillit pasi po kërkoja të drejtën timë për të folur në parlamentin e Tiranës?

Cfarë ndodhi sipas jush?

Përjashtimi im ndodhi, pasi kjo është fytyra e mazhorancës socialiste në Këshillin e Kryeqytetit të Shqipërisë.

Nuk duan që e vërteta të zbardhet dhe përjashtojnë me fuqinë e kartonit të votave të vjedhura këdo që ngrihet dhe flet për hallet dhe shqetësimet e njerëzve, përjashtojnë këdo që flet për qindra miliona eurot e zhdukura nga inceneratorë e drejtorë bashkie e fushatash.

Ndaj sot në 11.00 të gjithë bashkë të protestojmë, të gjithë bashkë para Bashkisë Tiranë deri në dorëheqjen e Veliaj”, shkruan Teliti.

Burimi informacionit @BalkanWeb: Lexo me shume ne : Bota Sot News botasot.co